आइएनजी ग्रुपको आयोजनामा 'पहिलो आइएनजी फुटसल टोर्नामेन्ट २०७९' सम्पन्न भएको छ।
उक्त फुटसल टुर्नामेन्टको पुरुषतर्फको उपाधि हेराल्ड कलेजले जितेको छ भने महिलातर्फको उपाधि इस्लिङ्टन कलेजले जितेको छ।
महाराजगञ्जस्थित डुकु फुटसल हबमा भएको उपाधि भिडन्तमा पुरुषतर्फ आइएनजी स्किलको 'टिम स्किल'लाई हराउँदै हेराल्ड कलेजले उपाधि जितेको हो ।
महिलातर्फ आइएनजी स्किलको 'स्किल महिला टिम' लाई पराजित गर्दै इस्लिङ्टन कलेजको 'देवीको टिम'ले उपाधि जितेको हो।
आइएनजी ग्रुपले आयोजना गरेको फुटसल प्रतियोगिताका विजेता टिम हेराल्ड कलेज र इस्लिङ्टन कलेजले नगद एकरएक लाख रुपैयाँसहित सम्मान पत्र, पदक र ट्रफी हात पारेका हुन्।
प्रतियोगिताको व्यवस्थापन गरेको आइएनजी मानव संसाधन विभागकी प्रमुख सुविता कपालीले फुटसल प्रतियोगिताले कर्मचारीहरूलाई आवश्यक स्फूर्ती प्रदान गर्नुका साथै आफ्नो सीप प्रदर्शन गर्ने मौका पाएको बताइन्।
यो प्रतियोगिताले कर्मचारीहरूबीच सद्भाव र सम्बन्ध बढाउन महत्वपूर्ण भूमिका खेलेको उनको भनाइ थियो ।
