क्लब टेनएक्सको ब्राण्ड एम्बेस्डरमा मोडल प्रसान्त ताम्राकार नियुक्त गरिने भएको छ।
क्लबको पहिलो वार्षिक उत्सबको अवसर पारेर आइतबार क्लबको एम्बेस्डरमा मोडल प्रसान्त ताम्राकारलाई नियुक्त गरिने क्लबका सञ्चालक नजवराज लामिछानेले जानकारी दिए।
उनका अनुसार क्लबले आफ्नो पहिलो वार्षिक उत्सव आइतबार र सोमबार गरी दुई रात मनाउने भएको छ। दर्शकलाई गायक अनिल सिंह, कालीप्रसाद बाँस्कोटा, एकदेव लिम्बू र डीजे ओलारुस लगायतले नचाउने छन्।
क्लबका अनुसार कार्यक्रममा प्रवेश निःशुल्क राखिएको छ। कार्यक्रममा अन्य डिजे तथा गायक–गायिकाको समेत प्रस्तुति रहने छ।
