यती एयरलाइन्सका स्काई क्लब सदस्यहरूले अब भोज डिल्समा छुट पाउने भएको छन्।
फुड एप भोज डिल्ससँगको सहकार्यमा यतीले आफ्नो स्काई क्लबका सदस्यहरूलाई काठमाडौंका १५० वटाभन्दा बढी रेष्टुरेण्टहरूमा छुट पाउने व्यवस्था मिलाएको हो।
कम्पनीका अनुसार भोज डिल्सको 'डाइन इन डिल्स' अन्तर्गतका पार्टनर रेष्टुरेण्टहरूमा बिल भुक्तानी गर्दा एयरलाइन्सको स्काई क्लब कार्ड देखाएमा १० देखि ५० प्रतिशतसम्म छुट हुनेछ।
यती एयरलाइन्सले लोयल्टी प्रोग्राम अन्तर्गत स्काई क्लबको सदस्यता लिएका यात्रुहरुलाई माइलेज प्वाइन्ट्सका आधारमा निःशुल्क हवाई टिकट प्रदान गर्दै आइरहेको छ।
आफ्ना फ्रिक्वेन्ट फ्लायर्सहरूलाई थप सुविधा दिने उद्देश्यले ‘डाइन इन डिल्स’मा यो छुटको सुुविधा दिने व्यवस्था मिलाइएको कम्पनीले जनाएको छ।
यो सुविधा मंसिर १ बाट काठमाडौं उपत्यकाका विभिन्न १५० वटा भन्दा बढी रेष्टुरेण्टहरुमा लागू हुने बताइएको छ।
कुन रेष्टुरेण्टमा कति छुट पाउने भन्ने जानकारी यती एअरलाइन्सको वेबसाइट बाट लिन सकिने समेत कम्पनीले बताएको छ।
यती स्काई क्लबको नयाँ सदस्य बन्नका लागि एअरलाइन्सको वेबसाइट वा यती मोबाइल एप्स मार्फत् अनलाइन रिक्वेस्ट पठाउन सकिन्छ।
त्यस्तै, ०१–४४८७०२० मा सम्पर्क गरेर पनि सजिलै नि:शुल्क सदस्यता लिन सकिने जानकारी एयरलाइन्सले दिएको छ।
