एलआरआई स्कुलले माघ १३ गतेदेखि १९ गतेसम्म आयोजना गरेको नवौ एलआरआई अन्तरविद्यालय स्तरीय बास्केटबल तथा फुटसल फेस्टको समापन गरेको छ।
काठमाडौं उपत्यकाका ट्रिनिटी, ग्लोबल कलेज, हिमालयन ह्वाइट हाउस, सीसीआरसी, गोल्डेन गेट, डि.ए.भी, बर्नहार्ट, ट्रिटन, ग्यालेक्सी, सामाखुसी विद्यालय, केसीसीएस, पुष्प सदन, नभोदित, ओमेगा, आईएमएस, न्यूजेनिथ, टाईंम्स, जनमैत्री एस कलेज तथा आयोजक एलआरआइको सहभागिता यस प्रतियोगितामा रहेको थियो।
लिग र नकआउट प्रणालीमा सञ्चालन भएको प्रतियोगितमा बास्केटबलतर्फ १६ र फुटबलतर्फ १० टोलीको सहभागिता रहेको थियो।
शुक्रबार भएको फाइनलमा बास्केटबलतर्फ टाइम्स र सिसीआरसी कलेज भिड्दा टाइम्स कलेज विजयी भएको थियो।
फुटबलतर्फ हिमालयन ह्वाइटहाउस कलेज र काठमाडौं कलेज अफ सेन्ट्रल स्टेट (केसिसीएस) भिड्दा हिमालयन ह्वाइट हाउसले उपाधि चुमेको थियो।
विजेताहरूलाई ट्रफी, मेडल, प्रमाणपत्र, नगद पुरस्कार प्रदान गरिएको थियो भने सहभागी विद्यालयलाई सम्मान पत्र प्रदान गरिएको थियो।
सद्भाव, मित्रता र भाइचाराको उद्देश्यले आयोजना गरिएको प्रतियोगितालाई सफल बनाउन सहयोग गर्ने सम्पूर्णलाई एलआरआईका प्रिन्सिपल देवकान्त जोशीले धन्यवाद व्यक्त गरे।
