द ब्रिटिस कलेजले इन्टर कलेज बास्केटबल टुर्नामेन्ट आयोजना गर्ने भएको छ।
उक्त बास्केटबल टुर्नामेन्ट आगामी २६ फ्रेबुअरीबाट सुरू हुने बताइएको छ।
टिबिसी स्पोर्ट्स क्लबद्वारा आयोजना हुने यस टुर्नामेन्टमा १६ कलेजका टिमहरूबीच प्रतिस्पर्धा हुने कलेजको भनाइ छ।
कलेजले दिएको जानकारी अनुसार विजेता टिमले ५० हजार नगद पुरस्कार पाउनेछन् भने उपविजेताले २५ हजार नगद पुरस्कार पाउने बताइएको छ।
ब्रिटिस कलेजकै बास्केटबल कोर्टमा हुने खेल लिग–कम नकआउट फर्म्याटमा खेलाइनेछ।
उक्त प्रतिस्पर्धामा स्नातकमा अध्ययनरत विद्यार्थीहरूले मात्र सहभागीता जनाउन पाउनेछन् भने राष्ट्रिय तथा अन्तर्राष्ट्रिय प्रतिस्पर्धामा सहभागी भएका विद्यार्थीले भने खेल्न पाउने छैनन्।
बास्केटबल टुर्नामेन्टमा सहभागी हुनका लागि १० हजार दर्ता शुल्क लाग्नेछ।
त्यस्तै दर्ता गर्ने अन्तिम समय २२ फ्रेबुअरी रहेको कलेजको भनाइ छ।
