१३औं दक्षिण एसियाली खेलकुद (साग) अन्तर्गत करातेको महिला व्यक्तिगत कातामा चञ्चला दनुवार स्वर्णबाट चुकेकी छिन्।
फाइनलमा चञ्चलालाई पाकिस्तानकी साइदाले पराजित गरेकी हुन्।
फाइनलमा साइदा २५.२८ अंक ल्याएर स्वर्ण जितिन्।
चञ्चलाले २४.६२ अंक मात्र ल्याउदा रजतमा सीमित बनिन्। त्यसअघि समूह चरणमा चञ्चलाले बंगलादेश र भुटानकी खेलाडीलाई पराजित गर्दै फाइनलमा स्थान पक्का गरेकी थिइन्। समूह चरणमा चञ्चलाले २४.०२ अंक जोडेकी थिइन्। अर्को समूहमा पाकिस्तान र श्रीलंका मात्र थिए। श्रीलंकाले कास्य पदक जितेको छ।
जसमा पाकिस्तानकी साइदा अघि रहदै फाइनलमा पुगिन्।
साइदाले समूह चरणमा २४.८२ अंक बटुलेकी थिइन्। सोमबार करातेमा व्यक्तिग र टिम काता गरी चार स्वर्ण र फाइटका ५ स्वर्णमा प्रतिस्पर्धा हुँदैछ। बुधबारसम्म चल्ने करातेमा कुल १९ स्वर्णका लागि प्रतिस्पर्धा हुनेछ।
