नेपालकी अन्जली चन्दले क्रिकेटमा विश्वकिर्तिमान कायम गरेकी छिन् ।
१३औँ दक्षिण एसियाली खेलकुद (साग) को महिला क्रिकेट अन्तर्गत पोखरा रंगशालामा भएको माल्दिभ्स विरुद्धकाे खेलमा उनले कुनैपनि रन नदिई ६ विकेट हात पारेकी हुन् । ६ विकेट लिने क्रममा उनले ह्याट्रिक समेत गरिन्। विश्व क्रिकेटमा अहिलेसम्म कुनैपनि क्रिकेटरले रन नखर्चिकन ६ विकेट हात पार्न सकेका थिएनन् ।
सातौँ ओभरमा बलिङ गर्न आएकी अन्जलीले मेडन राख्दै तीन विकेट हात पारिन्। लगत्तै नवाौं ओभरमा उनले कुनैपनि रन खर्च नगरि थप २ विकेट हात पारिन्। एघारौं ओभरमा उनले थप एक विकेट लिइन्। साथै ह्याट्रिक समेत पूरा गरिन्।
टस जितेर पहिले ब्याट्रिङ गरेको माल्दिभ्सले १०.१ ओभरमा १६ रन बनाएको थियो।
जवाफ ब्याटिङ गरेको नेपालले ०.५ ओभरमै लक्ष्य भेट्टायो। नेपालका लागि करुणा श्रेष्ठले १३ रन बनाइन्। नेपाललाई थप चार रन भने एक्ट्रा प्राप्त भएको थियो।
दक्षिण नेपालले आगामी डिसेम्बर ४ मा बंगलादेश र डिसेम्बर ६ मा श्रीलंकासँग खेल्नेछ ।
