१३ औं दक्षिण एसियाली खेलकुद प्रतियोगिता(साग) अन्तर्गत कराँते फाइटमा नेपालले दोश्रो स्वर्ण जितेको छ। नेपालका विप्लवलाल श्रेष्ठले ८४ केजी माथि तौल समूहमा स्वर्ण जितेका हुन्। उनले पाकिस्तानी खेलाडी मोहम्मदलाई ६ - ५ ले पराजित गरे।
पुरुष फाइट तर्फ नै लक्ष्मण तामाङले पनि स्वर्ण जितिसकेका छन्।
८४ केजी तौल समूहमा स्वर्णको आशा गरिएका दिवस श्रेष्ठ भने अयोग्य घोषित हुदैँ रजतमा चित्त बुझाउन बाध्य भए। फाइनल भिडन्तमा उनले गरेको प्रहारहरुलाई रेफ्रीहरुले मान्यता नदिएपछि उनले स्वर्ण गुमाए। ८४ केजी तौल समूहमा पाकिस्तानले स्वर्ण जितेको छ।
