अभिषेक रिजालले माल्दिभ्सविरुद्धको खेलमा बराबरी गोल फर्काएका छन्।
१३औं साग अन्तर्गत पुरुष फुटबलको खेलमा अभिषेकले ४३ मिनेटमा डिबक्सबाट उत्कृष्ट गोल गरेका थिए।
त्यसअघि माल्दिभ्सका इब्रहाम हुसेनले १९ मिनेटमा अग्रता दिलाएका थिए।
पहिलो हाफको खेल १–१ को बराबरीमा सकिएको छ।
राउन्ड रोबिनको लिगमा चल्ने प्रतिस्पर्धामा नेपाल ४ अंकसहित दोस्रो स्थानमा छ।
शीर्ष स्थानको भुटानको ६ अंक छ।
