१३औं दक्षिण एसियाली खेलकुद (साग) अन्तर्गत पुरुष फुटबलमा जितबिहीन बनेपछि माल्दिभ्सले प्रशिक्षण पिटर सेगर्टलाई हटाएको छ।
लिग चरणको अन्तिम खेलमा शनिबार दशरथ रंगशालामा माल्दिभ्स आयोजक नेपालसँग २–१ ले पराजित भएको थियो। पराजयसँगै माल्दिभ्स फाइनल पुग्न चुक्यो।
समूह चरणमा माल्दिभ्स भुटानसँग पराजित हुँदा बंगलादेश र श्रीलंकासँग बराबरी खेलेको थियो।
नेपालसँग पराजित भएको तीन घण्ट बित्न नपाउँदै क्रोएसियन नागरिक सेगर्टलाई हटाएको माल्दिभ्स फुटबल फेडेरेसनले जनाएको छ।
उनलाई आपसी सहमतीमा हटाएको अध्यक्ष बासम अदिल जलिलले जनाएका छन्।
