'जुनी जुनीलाई मेरी उनीलाई' बोलको गीतबाट एक समय राम्रो लोकप्रियता बटुलेका गायक सरोज दत्तको नयाँ गूत रिलिज भएको छ। उनको ‘कालो बादल’ बोलको म्युजिक भिडियो सार्वजनिक भएको हो ।
दत्तका ‘दिन ढल्यो रात बित्यो’, ‘ओठदेखि’, ‘चरी उड्यो आकाश मै भरर’ र ‘भैगो’लगायतका गीतले एकसमय दर्शक श्रोताको मन राम्रो गरी जितेको थियो। सरोजले यस गीतलाई गीत ‘भयंकर व्याण्ड’को कम्पोजिसन तथा उत्पादनमा बजारमा ल्याएका हुन्।
भिडियोमा अम्बिका अधिकारी र बाम्बे आने मर्लिनले फिचरिङ छन् । उग्रडिजाइन डटकमले सम्पादन र निर्देशन गरेको भिडियोलाई पुरानो शैलीमा देखाउन विभिन्न इफेक्ट्सहरुको प्रयोग गर्दै श्यामस्वेतमा निर्माण गरिएको छ ।
https://www.youtube.com/watch?time_continue=42&v=LGhBgMev_Zg
व्याण्डमा बेस गीतारमा रोविन तामाङ, लिड गितारमा अनुपम राई, रिदम गितारमा सिद्धार्थ विष्ट र ड्रममा सुलोभ त्रिपाठी छन्। भिडियोमा सञ्जीवनी राईको विशेष सहयोग छ। भिडियोलाई व्याण्डले आफ्नै युट्युब च्यानलबाट सार्वजनिक गरेको हो। गीतको रेकर्डिङ अमेरिकाको कोलोराडोमा रहेको माउण्ट गोर्खा स्टुडियोमा गरिएको हो।
