चर्चित व्याण्ड 'अनुप्रस्थ'को नयाँ गीत ‘अद्वितिय’को भिडियो सार्वजनिक भएको छ । व्याण्डले दोस्रो एल्बम ‘ह्वाट टु डु काठमाडौं ?’मा समेटिएको गीतको भिडियो सार्वजनिक गरेको हो। भिडियोमा व्याण्डका लिड गायक निरन शाहीले फिचरिङ गरेका छन् ।
गीतमा सुमनलाल श्रेष्ठको शब्द र सुमनलाल एवं निरनको संगीत छ । व्याण्डका कलाकारहरुलेसमेत फिचरिङ रहेको भिडियोमा जितेन्द्र श्रेष्ठको सम्पादन, निरज श्रेष्ठ र विजय कोजुको छायांकन तथा सोनाम छिरिङ लामाको निर्देशन छ ।
'अनुप्रस्थ' झण्डै दशकदेखि नेपाली फोकरक संगीतमा सक्रिय छ । व्याण्ड सन् २००८ मा भएको ‘स्प्राइट बेण्ड च्यालेन्ज’ नामक टेलिभिजन रियालिटी शोबाट चर्चामा आएको थियो ।
https://www.youtube.com/watch?v=tvxs6SCI-_Y
व्याण्डका गायक निरनले अद्वितियको अर्थ नयाँ वा अन्य भन्दा फरक भन्ने रहेकाले यही नाम राखिएको बताए । गीतको शब्दले एउटा मानिससँगको सम्बन्धलाई अर्को मानिस आएर विस्थापन गर्न नसक्ने कुरा उल्लेख गरेको छ ।
व्याण्डले ‘दिन’, ‘सुख र दुःख’, ‘गफ’ र ‘उज्यालो’ नामक म्युजिक भिडियो यसअघि नै बजारमा ल्याईसकेको छ । व्याण्डमा नरेनसहित जिमी शाही, गोविन सुनुवार र विवेक तामाङ सदस्य छन् ।
