पूर्व निर्धारित रिलिज मितिबाट पछाडी हटेका दुई नेपाली फिल्म 'ह्यापी डेज' तथा 'रोमियो एण्ड मुना'ले नयाँ रिलिज मिति सार्वजनिक गरेका छन्। अब माघ १२ मा रिलिज हुने तय भएको 'ह्यापी डेज' चैत १६मा रिलिज हुनेछ।
माघ १२ गते रिलिज डेट राखिएको चलचित्रले सोहि मितिमा विवादका कारण गत वर्ष सर्वाधिक चर्चामा आएको आउने भएपछि पछाडि सारेको थियो ।
फिल्ममा दया र प्रियंकाको साथमा सञ्जय गुप्ता, दिया पुन, वाक्की जोशी, शिशिर राणा, रुपा पुन, रिकेश चाम्स, जेन बकल लगायतका कलाकारको अभिनय रहेको छ ।
त्यस्तै फागुन ११ गते रिलिज हुने भनिएको 'रोमियो एण्ड मुना' चैत २ मा रिलिज हुनेभएको छ। निर्माण पक्षले फिल्मको काम नसकिने भएकाले रिलिज मिति सार्नुपरेको सफाइ दिएको छ।
नरेश कुमार केसीको लेखन र निर्देशन रहेको चलचित्रमा विनय श्रेष्ठ, सृष्टि श्रेष्ठ, सुस्मा कार्की, प्रज्वल सुजल गिरी लगायतका कलाकारको अभिनय छ ।
