'हुर्रे’ फिल्मले आइतबार एक कार्यक्रमका बिच आफ्नो दोस्रो गीत रिलिज गरेको छ। गीतमा अभिनेत्री नीता ढुंगाना आइटम गर्लको रुपमा प्रस्तुत भएकी छिन । गीत हिप्पी शैलीमा रहेको छ। कार्यक्रममा बोल्दै नीताले आफुलाई फिल्मको नामले नै आकर्षित गरेकोले आइटम डान्स गरेको बताइन।
उनले समारोहमै नाचिन् । नीतासंगै कार्यक्रममा उपस्थित कलाकार अनुप विक्रम शाही , अंकित खड्का र राजाराम पौडेलले पनि नृत्य गरे ।
कार्यक्रममा केकी अधिकारी पनि उपस्थित थिइन्। कार्यक्रममा दुबैले एक अर्काको प्रसंसा गरेका थिए । गीतमा सविन एकतारेको शब्द रहेको छ भने संगीत कालीप्रसाद बास्कोटाको हो। गीतमा झुमा लिम्बुको स्वर रहेको छ। गीतका कोरियोग्राफर विक्रम स्वार हुन् ।
https://www.youtube.com/watch?v=7bZjXAmtDj0
यम थापाको लेखन तथा निर्देशनमा बनेको कमेडी जनराको फिल्मलाई दावा शेर्पा, सोनम लामा, छिरिङ दोर्जेले संयुक्त रुपमा निर्माण गरेका छन् ।
