अभिनेत्री केकी अधिकारीको निर्माण डेब्यू फिल्म 'कोहलपुर एक्सप्रेस'को पहिलो गीत रिलिज भएको छ। फिल्मको 'सि ओ डब्लु काउ' गीत रिलिज गरिएको हो।
राजनराज शिवाकोटी तथा मेलिना राईको युगल स्वर रहेको फिल्मको गीतमा शब्द तथा संगीत शिवाकोटी स्वयमको हो। गीतका कोरियोग्राफर गम्भिर विष्ट हुन्। लोक शैलीको गीतमा अभिनेत्री रिमा विश्वकर्मा तथा गम्भिर, अभिनेता विनोद विष्टको साथमा केकी अधिकारीलाई देख्न सकिन्छ।
https://www.youtube.com/watch?v=uF9XJU8Py58
हाल पोस्ट-प्रोडक्सनमा रहेको ‘कोहलपुर एक्सप्रेस’ निर्देशक विशाल भण्डारीको निर्देशकिय डेब्यू हो। फिल्ममा केकीका अलावा प्रियंका कार्की, ऋचा शर्मा, बुद्दी तामाङ, रविन्द्र झा, विनोद न्यौपाने, कुशाग्र भट्टराई लगायतका कलाकारको अभिनय छ ।
फिल्म आगामी वर्षको सुरूवातमा रिलिज हुने जनाइएको छ।
