थ्रिलर ड्रामा ‘साढे ७’ ले आफ्नो दोस्रो अफिसियल ट्रेलर सार्वजनिक गरेको छ । शुक्रबार बेलुका साढे सात बजे ट्रेलर सार्वजनिक गरिएको हो । फिल्म फागुन ११ गते रिलिज हुनेछ।
राजनीतिक आन्दोलन रिपोर्टिङका लागि तराई पुगेको एक फोटो पत्रकारको भौतिक र मनोवैज्ञानिक द्धन्द्धको कथा फिल्ममा रहेको छ । गायक सत्यराज आचार्य फिल्मको मूख्य भूमिकामा रहेका छन् ।
https://www.youtube.com/watch?v=UokrBPZE4Ww
फिल्ममा सत्यसहित मेनुका प्रधान, सुनिल थापा, कामेश्वर चौरासिया, सुप्रिया कट्वाल, शिशिर बाङ्देल आदिको अभिनय रहेको छ। साम्तेन भुटिया फिल्मका लेखक एवं निर्देशक हुन् ।
सुनिल थापा, सत्यराज, स्वरुपराज आचार्य, नरेशदेव पन्त, डिजे सन्तोष र साम्तेन भुटिया निर्माता हुन् ।
