इञ्जोय मुभिजको व्यानरमा ‘फल्ट’ फिल्मको घोषणा गरेको छ । राजधानीमा मंगलबार फिल्मको घोषणा गरिएको गो। घोषणा कार्यक्रममा बोल्दै फिल्मका निर्देशक सुवास जिसीले फिल्मले समाजमा आफूलाई सभ्य भन्ने व्यक्तिले नकारात्मक काम गर्दा त्यसले समाजमा पार्ने प्रभावलाई विषयबस्तु बनाएको जानकारी दिए ।
फिल्मलाई पूर्व सभामुख तथा एमाले नेता सुवासचन्द्र नेम्बाङले शुभकामना दिए। फिल्मका निर्माता सुभास काफ्ले हुन्। ॐफिल्ममा शुभ आचार्य, देवराज अधिकारी, निशा श्रेष्ठ, अनिल थापा र सगुन पोखरेल प्रमुख भूमिकामा छन् ।
फागुनको पहिलो साताबाट फ्लोरमा जाने फिल्ममा सन्तोष काफ्लेको कथा, सुवास जिसीको पटकथा तथा संवाद, बसन्त सापकोटाको संगीत, विश्व देवकोटाको गीत र बासु बरालको छायांकन हुनेछ । इलाम, झापा, मोरङ र काठमाडौंमा छायांकन हुने फिल्म २०७५ को वैशाख तेस्रो साता रिलिज हुने निर्माण पक्षले जनाएको छ ।
