शुक्रबार रिलिज हुने ‘शेरबहादुर’ले बुधबार राजधानी भएको प्रिमियरमा प्रशंसा बटुलेको छ । प्रिमियर शो मा दर्जन बढि फिल्मकर्मी, मिडियाकर्मी लगायत सहभागी थिए फिल्म हेरिसकेपछि धेरै फिल्मकर्मी तथा मिडियाकर्मीहरुले मनपरेको प्रतिक्रिया दिए ।
हास्य कलाकार केदार घिमिरे ‘माग्ने बुढा’ले सुनिल थापाको अभिनयको तारिफ गरे । सँगसँगै फिल्मले उठाएको विषयवस्तु तथा अन्य कलाकार रविन्द्र झा र मेनुका प्रधानको पनि खुलेर तारिफ गरे । यस्तै अभिनेत्री तथा निर्देशक दीपाश्री निरौलाले फिल्मप्रति सकारात्मक प्रतिक्रिया व्यक्त गरिन् ।
https://www.youtube.com/watch?v=DdRgHy5Qodk
अभिनेत्री करिश्मा मानन्धरले जुन अपेक्षा लिएर हलमा छिरेको त्यो भन्दा माथी धेरै उत्कृष्ट पाएको बताइन। त्यस्तै कलाकार किरण केसीले ‘थ्रिलर’ जनराको फिल्ममा सुनिल थापाले निभाएको भुमिका 'खतरा' लागेको बताए । अभिनेता पल शाहले फिल्मले पछिल्लो पटक रिलिज आम फिल्मको तुलनामा फरक स्वाद पाएको प्रतिक्रिया दिए ।
सुनिल थापा, मेनुका प्रधान, कर्मा शाक्य, रविन्द्र झा, जान्वी बोहरा लगायतका कलाकारले निभाएको भुमिकालाई धेरै दर्शकले तारिफ गरेका छन् । निर्देशक आर राजवंशी तथा क्रियटिभ निर्देशकको भुमिका निभाएका प्रदिप भट्टराईको कामलाई पनि दर्शकले तारिफ गरे ।
फिल्म सन् २०१५ मा रिलिज भएको 'डन्ट ब्रिद'को अनअफिसियल रिमेक हो।
https://www.youtube.com/watch?v=7g-QGhQjoxY
