'मिस्टर भर्जिन'ले पहिलो गीतका रूपमा लोक देउडा स्वादको गीत रिलिज गरेको छ। फिल्मले अडियोमा गीतलाई रिलिज गरेको हो। गीतमा सुरज पण्डितको शब्द तथा संगीत रहेको छ भने गीतमा पण्डितलाई अमृत लङ्गुनले साथ दिएका छन्। गीतमा पश्चिमेली ठेट शब्दहरूको प्रयोग गरिएको छ।
विशारद बस्नेतको डेब्यू निर्देशन रहेको फिल्ममा गौरव पहारी, स्मृति पोखरेल,श्रद्धा प्रसाईं, भोलाराज सापकोटा, कमलमणि नेपाल, विजय बराल, रविन्द्र झा, सिर्जना सुब्बा, लोकेन्द्र लेखक, सागर ढकाल, कुलदीप अधिकारी आदिको अभिनय रहेको छ। फिल्मले 'भर्जिन' पात्रहरूले भोग्ने परिस्थिति र त्यसबाट उत्पन्न हुने घटनालाई हास्य रसमा प्रस्तुत गरेको छ।
https://www.youtube.com/watch?v=CNXzHAmEOaA
सुरज पण्डित, श्रीकृष्ण वम मल्ल, बुलेट, आधासुर, आरजे, मिस्टर प्रिन्सको संयुक्त संगीत रहेको ‘मिस्टर भर्जिन’मा रामेश्वर कार्कीको छायाँकन, विक्रम स्वार/दीपकमान सिंहको कोरियोग्राफी, दीपक ओलीको क्रियटिभ निर्देशन छ । राजधानीको ठमेलमा खिचिएको सिनेमाको प्रदर्शन मिति तय भैसकेको छैन । घोषणा कार्यक्रममा निर्माण पक्षले ‘मिस्टर भर्जिन’ बैशाख अन्त्यतिर प्रदर्शनमा ल्याउने जानकारी दिएको थियो ।
