गायक शिव लामिछानेले ’जय नेपाल’ बोलको राष्ट्रिय गीत रिलिज गरेका छन्। 'चाहे माया गर' , 'किन दुख्छ मुटु मेरो' मार्फत चर्चा बटुलेका लामिछानेले यसपटक राष्ट्रिय गीत लिएर आएका हुन्, उनलाई 'शीवाज' नामले सांगीतिक क्षेत्रमा चिन्ने गरिन्छ । उनले यस गीतलाई आफू अध्यक्ष रहेको कृपा फाउन्डेसनको पहिलो वार्षिकोत्सवमा सार्वजनिक गरेका हुन् ।
युट्युब मार्फत सार्वजनिक यस गीतमा हर्कुलस बस्नेतको शब्द र संगीत रहेको छ । गीतमा नेपालका विभिन्न भूगोलमा बसोबास गर्ने विभिन्न भाषाभाषी र उनीहरुको संस्कृतिलाई देखाइएको छ।
’गीत मार्फत नेपालको सुन्दरता देखाउने प्रयास गरिएको छ’ शिवले भने ’गीत मार्फत हामीले हिमाललाई संस्कृतिसंग जोड्ने प्रयास गरेका छौ ।’ गीतलाई नरेन लिम्बु र विनय कंसाकारले संयुक्त रुपमा छायाँकन गरेका हुन् । गीतमा विनयकै सम्पादन र नरेनको निर्देशन रहेको छ ।
गीत हेर्नुस्:
