'रमाइलो छ साँझ.....'
कुनै समय यहि गीतले फिल्म निर्माता अर्जुन कुमारलाई गायकको परिचय दिएको थियो। गीतबाट राम्रो चर्चा कमाए पनि उनको गायनयात्रा रोकिएको करिब १२ वर्ष भइसकेको छ।
अन्तिमपटक 'थाहै नपाई' गीत गाएका अर्जुनकुमार '१२ वर्षमा खोलो' फर्किन्छ भनेझैं पुन: गायनमा पर्किएका छन्। १२ वर्षपछि गायनमा फर्किएका अर्जुनले हालै नयाँ गीत रेकर्ड गरेका छन्। ४ वटा एल्बमसहित करिब ६० वटा गीत गाएका अर्जुनले १२ वर्षपछि 'पागल' बोलको गीत तयार पारेका हुन्।
गीतको भिडियो बनाइसकेका अर्जुनले आगामी साता गीत सार्वजनिक गर्ने योजना बनाएका छन्। 'रोजे तिमीलाई', 'हृदय', 'प्यासन' र 'क्यालिबर' एल्बम सार्वजनिक गरेका अर्जुनले 'रमाइलो छ यो साँझ' 'हजारौं चोट', 'के के गरूँ म', 'मायाको पहिलो' बोलका गीतले दर्शकको मन जितेको सम्झना गर्दै नयाँ गीतलाई पनि दर्शक-श्रोताले मन पराउने आफू आशावादी रहेको बताए।
https://www.youtube.com/watch?v=Q90r-VGRchM
उनको यस नयाँ गीतमा शब्द र संगीत उनी स्वयमको रहेको छ भने गीतको भिडियोका निर्देशक निकेश खड्का हुन्।अर्जुन कुमार 'चपली हाईट' , 'चपली हाईट २', 'दि युगदेखी युगसम्म', 'फाटेको जुत्ता' आदि फिल्मका निर्माता समेत हुन्।
https://www.youtube.com/watch?v=3GDb9YYCwio
