चैत्र ३० गते रिलिज हुने ‘नेप्टे’को ट्रेलर रिलिज भएको छ। सोमबार काठमाण्डौमा एक कार्यक्रमको गर्दै ट्रेलर सार्वजनिक गरिएको हो ।
फिल्ममा दयाहाङ राई, रोहित रुम्बा, वुद्धि तामाङ, अर्जुन गुरुङ, छुल्ठिम गुरुङ, पूर्णिमा लामा, प्रनिशा सिलवाल लगायतका कलाकारको मुख्य भूमिका छ ।
रोहित रुम्बाकै लगानीमा बनेको फिल्मका निर्देशक देबकुमार श्रेष्ठ हुन् । फिल्ममा नायक दयाहाङ राई पहिलो पटक खलनायकको भूमिकामा देखिएका छन् । फिल्म भित्र दयासँग रोहित र बुद्धिको द्धन्द्ध देखाइएको छ ।
https://www.youtube.com/watch?v=00_cI2XesW0
फिल्मको ट्रेलरलाई पूर्ण रुपमा कमेडी शैलीमा तयार पारिएको छ ।
ट्रेलर सार्वजनिक कार्यक्रममा बोल्दै नायक तथा निर्माता रोहित रुम्बाले कमेडी कथामा रमाइलो फिल्म बनाएको बताए । उनले, फिल्ममा दयाहाङ राई खलपात्रको भूमिकामा रहेकाले कुनै पनि गीतमा नदेखिएको स्पष्ट पारे ।
यस्तै, नायिका छुल्ठिम गुरुङले यो फिल्मको कथा असाध्यै मन परेकाले काम गरेको बताइन् । अर्का, कलाकार वुद्धि तामाङले फिल्ममा एक्सन गर्दा गाह्रो भएपनि रमाइलो भएको बताएका थिए ।
फिल्ममा रोहितकै कथा, किरण माइकल घिमिरेको पटकथा तथा संवाद, हरि लामा घलेको छायांकन, तारा थापाको सम्पादन, कविराज गहतराजको कोरियोग्राफी, बाबु बोगटी, सन्तोष राज र रोहित रुम्बाको संगीत छ ।
