'पशुपति प्रसाद' फेम खगेन्द्र लामिछाने अभिनित ‘डमरुको डण्डीबियो’ले फिल्ममा समाविष्ट पहिलो गीत सार्वजनिक गरेको छ । फिल्मको ‘तितेपाते तितेपाते झ्याप झ्याप…’ बोलको गीत शुकर्बार एक कार्यक्रमका बिच सार्वजनिक गरिएको हो।
गीतमा कालीप्रसाद बाँस्कोटाको स्वर र संगीत छ । गीत एकतारे, हर्क साउद र कालीले लेखेका हुन् । फिल्म स्क्रिप्ट लेखक छेतेन गुरूङको निर्देशकिय डेब्यू हो।
https://www.youtube.com/watch?v=I13PeRKj5Zk
सार्वजनिक गीतको बारेमा बोल्दै कालीले ‘तितेपाते तितेपाते…’ करोड भ्युजका लागि भन्दा पनि फिल्मको कथा अनुरुप तयार गरिएको बताए ।
‘निर्माण टिमले बजार पिट्ने भन्दा पनि कथासँग सुट गर्ने गीत निर्माण गर्न लगाउनु भएको थियो । त्यहिँ अनुसार गीत तयार गरेका छौ । आशा छ दर्शक/श्रोताले मन पराइदिनु हुनेछ’, कालीले भने ।
बैशाख २१ गते प्रदर्शन हुने ‘डमरुको डण्डीबियो’मा खगेन्द्रका अलावा मेनुका प्रधान, बुद्दी तामाङ, अनुप बराल, अंकित खड्का, आशान्त शर्मा, लक्ष्मी बर्देवा, मिश्री थापा, इंगि होपू कोइंच सुनवार, नमिता घिसिङ लगायतका कलाकारको अभिनय छ ।
