‘तेश्रो नेपाली म्यूजिक भिडियो अवार्ड’ मलेसियामा आयोजना हुने भएको छ । नेपालको संगिक्षा फिल्मस् इन्टरटेन्मेन्ट र मलेसियाको एसकेएस ब्राइट भेन्चर एसडीएन बीएचडी मलेसियाको संयुक्त आयोजनामा यो अवार्ड आयोजना हुन लागेको हो ।
संगिक्षा फिल्मस्को आयोजनामा यस अगाडि २ वटा अवार्ड यूएइमा आयोजना भएको थियो ।
बिहिबार काठमाण्डौमा आयोजित पत्रकार सम्मेलनमा ३२ विधामा अवार्ड दिइने जानकारी दिइयो। । अवार्ड जुनको १५, १६ र १७ तारिखमध्ये एकमा गर्ने तयारीमा रहेको आयोजकले बताएका छन् ।
आधुनिक, लोक, पप, लोकदोहोरी, फिल्म समुह र आदिवासी तथा जनजाती गीत विधामा अवार्ड प्रदान गरिनेछ ।
मलेसियामा विक्रम जंग शाही र जयराम तिमिल्सिनाले अवार्डको व्यवस्थापन गर्नेछन् । कार्यक्रममा बोल्दै संगिक्षा फिल्मस्का प्रमुख मनोज केसीले पहिलेदेखि नै आफूहरुले मलेसियामा अवार्ड आयोजना गर्न खोजेको र तेश्रो पटक संभव भएको बताए ।
