जेठ १८ लाई आफ्नो रिलिज मिति तोकेको 'बेबी आई लव यू' फिल्मले आफ्नो ट्रेलर सार्वजनिक गरेको छ। बिहिबार लभ स्टोरी फिल्मको ट्रेलर लञ्च गरिएको हो । ट्रेलरमा नव नायक सन्तोष खड्गी र नायिका पूजा तिवारीबिचको लभ, रोमान्स र र विछोडलाई प्रस्तुत गरिएको छ ।
फिल्मका प्रस्तुतकर्ता शिव न्यौपानेले फिल्मले युवा पुस्तालाई आकर्षित गर्ने दाबी गरे । यस्तै फिल्ममा संगीत समेत दिएका नायक खड्गीले फिल्ममा सक्दो मिहेनत गरेको बताए । जनक पाण्डे निर्देशित फिल्ममा अभिनेता सरोज खनाल, कलाकार निर्मल शर्माको अभिनय र चर्चित डान्स ग्रुप कार्टुञ्ज क्रुको पनि एउटा डान्स छ ।
https://www.youtube.com/watch?v=m38cOaC5tkM
कार्टुन क्रुको प्रस्तुती रहेको फिल्मको कान्छी मायालु बोलको गीत तथा भिडियो हिट भैसकेको छ । बिहिबारको प्रेसमिटमा 'कान्छी मायालु' गीतमा कभर डान्स गर्ने र गाउने उत्कृष्टलाई पुरस्कृत पनि गरियो ।
बिटुडी डान्स ग्रुप र कभर गाउने प्रितम सेञ्चुरीलाई एक एक लाख बराबरको चेक कार्टुञ्ज क्रु का सरोज अधिकारी, आश्मा विश्वकर्मा तथा समुहले हस्तान्तरण गरेका थिए ।
