‘ए मेरो हजुर २’ फेम सलिनमान बनियाँको दोस्रो प्रोजेक्ट ‘यात्रा – अ म्युजिकल भ्लग'को घोषणा गरिएको छ । सोमबार राजधानीमा प्रेसमिट गर्दै फिल्मका कास्ट एण्ड क्रु लाइनप घोषणा गरिएको हो ।
सम्राट शाक्यले निर्देशन गर्ने फिल्ममा सलिनसँग 'ए मेरो हजुर २'मा एकसाथ काम गरेका सलोन बस्नेतको पनि मुख्य भूमिका रहनेछ । सलोन र सलिनमानका अलावा सिनेमामा जाहन्वी बस्नेत, रियर राई, प्रेक्षा बज्राचार्य, मालिका महत, बिशाल कटुवाल, धिरेन शाक्य, राजराम पौडेल, जयनन्द लामा, समृद्दी राई, जुन छ्यांग (चिन), बोबी (केन्या), योगेश जंग कुँवर, राजेश बिसुरल, आईपी आचार्य, नानीकाजी डंगोल, बिशाल पहाडी, प्रजोल भट्टराई, देशभक्त खनाल, कमल मैनाली, सौगात शर्मा र बालकलाकारमा अंकित संग्रौला, एन्जल राईको अभिनय रहनेछ ।
फिल्मलाई निर्देशक शाक्यले अन्य चार लेखकहरू आशिष रेग्मी, सुरेश न्यौपाने, प्रतिक पौडेल र शिशिर खतिसँग मिलेर लेखेका हुन्। सिनेमालाई कोटकी कालिका देवी प्रालीको व्यानरमा केशव भट्टराई, मुक्ती तिमल्सिना, मधू क्षेत्री र धर्मराज अधिकारीले संयुक्त रुपमा निर्माण गर्ने छन् ।
४५ दिनको छायाँकन तालिका रहेको फिल्म वैशाख २५ गते देखि फ्लोरमा जानेछ । कार्यक्रमम फिल्म असोज ५ गते रिलिज हुने घोषणा समेत गरिएको थियो।
‘यात्रा – अ म्युजिकल ब्लग’मा संजय लामाको छायाँकन, कविराज गहतराज/प्रविन सिंहको कोरियोग्राफी, हिमाल केसीको एक्सन, बनिश शाहको सम्पादन र शम्भुजित बाँस्कोटा/प्रतिक पौडेल/कोबिड बज्रको संगीत रहनेछ ।
