‘काले दाई’ले आफ्नो पहिलो गीत सार्वजनिक गरेको छ । फिल्मले ‘राइफलको सिरानी’ बोलको गीत सार्वजनिक गरेको हो। गीत लोकलयमा छ ।
सुमन बैरागीको शब्द र दीपक शर्माको संगीतमा तयार भएको गीतमा धुर्व विश्को तथा साहिमा श्रेष्ठको स्वर छ । रामजी लामिछानेले कोरियोग्राफी गरेको गीतमा इंद्र राम्जाली, बिनु शाक्य र रामचन्द्र अधिकारीले कम्मर मर्काएका छन् ।
फिल्मलाई शिव शर्माले निर्देशन गरेका हुन् । फिल्ममा इन्द्र राम्जाली, शिशिर भण्डारी, अनु पराजुली, रामचन्द्र अधिकारी, सुरेन्द्र केसी, गीता अधिकारी, विष्णु सापकोटा, सारिका घिमिरे, उत्तम केसी, गोविन्द श्रेष्ठ लगायतका कलाकारको अभिनय छ ।
शमशेर गुरुङ र इन्द्र राम्जालीले निर्माण गरेको ‘काले दाई’मा पवन गौतम/रामेश्वर कार्कीको छायाँकन, तारा थापा किम्भेको सम्पादन रहेको छ । फिल्मको प्रदर्शन मिति तय भएको छैन ।
https://www.youtube.com/watch?v=EerBnHidq9s
