‘ड्रिम गर्ल’ फिल्मको प्रदर्शन मिति हेरफेर भएको छ । निर्देशक ऋषिराज आचार्यले फिल्मको फस्ट लुक पोस्टर सार्वजनिक गर्दै ड्रिम गर्ल दशैको उपहार स्वरुप असोज १९ गते दर्शकमाझ आउने जानकारी दिएका हुन् ।
दुई करोड भन्दा बढी लगानी रहेको प्रेमकथामा आकाश श्रेष्ठ, आश्मा गिरी,सरोज खनाल, अर्जुन श्रेष्ठ, बिल्सन बिक्रम राई, शिशिर भण्डारी, पूजा पराजुली, निर्मल शर्मा गैडा,लक्ष्मी गिरी,रश्मी भट्ट, सुरवीर पण्डितलगायतले अभिनय गरेका छन् ।
काठमाडौ, मुस्ताङ तथा थाइल्याण्डका बिभिन्न स्थानमा खिचीएको फिल्मको सहनिर्मातामा दक्षिण भारतको रिल एण्ड रियल सिनेमा कम्पनी छ । राहुल राईले खिचेको फिल्ममा अर्जुन पोखरेलको संगीत र गम्भीर बिष्टको कोरियोग्राफी छ ।
निर्देशक ऋषिराजले ‘ड्रिम गर्ल’ को पहिलो प्रदर्शनी विदेशमा गरिने बताएका छन्। फिल्मको अष्ट्रेलिया, युरोप तथा खाडी मुलुकहरु रिलिज गरिनेछ। उनका अनुसार ‘ड्रिम गर्ल’ को जुन महिनाको दोश्रो साता कतार र तेश्रो साता पोर्चुगर्लमा विशेष शो हुने पक्का भइसकेको छ ।
तत:पश्चात अमेरिका, जापान, हङ्कङ, कोरियालगायतका देशमा पनि प्रदर्शन हुने छ ।
