रेखा थापाको दोस्रो निर्देशकिय सिनेमा 'मालिका'को सोमबारबाट छायाँकन सुरू भएको छ। सुरिङ सुरू गर्नुअघि सोमबार बिहान पशुपतिमा पूजाआजा गरिएको थियो।
रेखा फिल्मसको पाँचौ प्रस्तुति रहेको फिल्ममा रेखाले जाजरकोटकी कमला ओलीलाई प्रमुख भूमिकामा प्रस्तुत गर्दैछिन्। ओली नन-एक्टर हुन्। करिब १० दिन काठमाडौंमा सुटिङ तालिकापछि 'मालिका' बाँकी फिल्मको छायाँकनका लागि नेपालगन्ज तथा जाजरकोट जानेछ।
मालिकालाई लक्ष्मी पूजा कात्तिक २१ देखि प्रदर्शनमा ल्याउने रेखाको लक्ष्य छ । फिल्ममा रामशरण उप्रेतीको छायाँकन र सुरेश अधिकारीको संगीत छ । 'हिम्मतवाली' पछि रेखा मालिका मार्फत निर्देशनमा फर्किएकी हुन् ।
फिल्मलाई रेखाले नर बहादुर कार्की, तारा राणासँग मिलेर निर्माण गर्न लागेकी हुन्।
