‘सरौतो’ सिनेमाको नयाँ गीत रिलिज भएको छ।
सिनेमाले ‘यो जुनी’ बोलको रोमान्टिक गीत रिलिज गरेको हो।
डेब्यू निर्देशक हरि हुमागाईं निर्देशित सिनेमाको यस गीतमा सुमी मोक्तान र सन्नी सिंहलाई रोमान्टिक अवतारमा देखाइएको छ।
गीतमा कमल खत्रीको शब्द, संगीत र स्वर रहेको छ। खत्रीलाई महिला स्वरमा श्रेया सोताङले साथ दिएकी छन्। गीतलाई निर्देशक हुमागाईंले कोरियोग्राफी गरेका हुन्।
बदलाको कथा रहेको सिनेमामा सुमी र सन्नीका अलावा विजय लामा, युवराज लामा, आमिर गौतम, लियो ट्यांक, सम्पदा दाहाल, धिरेन शाक्य, अरुणा कार्कीलगायतका कलाकारको अभिनय छ।
सिनेमामा कथा, पटकथा र संवाद राघव कृष्ण गौतमले लेखेका हुन्।
