गत शुक्रबार ललितपुरको सिकाली मन्दिर छेउ पुग्दा पूर्वी नेपालको राई बस्ती भएको कुनै गाउँ पुगेझैं भएको थियो। सिकालीमा देखिएको दृश्य राई समुदायको सानोतिनो मेलाभन्दा कम थिएन।
राई संस्कार-संस्कृति अनुसार पूजा गरेर एक हुल मानिस गाउँदै नाच्न थाले- सोई ढोले सोई।
साकेला भाकामा 'सोई ढोले सोई' गाउने अनुहार विल्सन विक्रम राई, एलिशा राई, अनुशा राई, उमेश राई, श्याम राईजस्ता चिरपरिचित कलाकार पो रहेछन्।
साथमा गायक राजेश पायल राई र मेलिना राई पनि।
त्यो माहोल राई समुदायको साकेला संस्कृतिमा आधारित गीतको छायांकनको थियो।
कमल राई गीतको लय र तालमा कलाकारलाई आ-आफ्नो भाग सिकाउँदै एक्सन-कट भन्दै थिए।
विक्रम डिसी ती दृश्य क्यामरामा कैद गर्दै थिए।
राई संस्कृति झल्किने म्युजिक भिडियो कलाकार तथा निर्देशक विल्सन विक्रम राईको निर्देशनमा बनिरहेको हो।
हेर्नुहोस् तस्बिरहरूः
.jpg)
.jpg)
.jpg)
.jpg)
.jpg)
.jpg)
1632312899.jpg)
