नेपालीको महान पर्व दशैँ नजिकिएसँगै यससँग सम्बन्धित गीतहरु रिलिज हुने क्रम बढेको छ।
यसैबीच गायिका रानी शाक्यले दशैँ, तिहार गीत 'सरर' सार्वजनिक गरेकी छिन्।
गीतकार राजेश शाक्यको शब्द रचना र कल्याण सिंहको संगीत रहेको गीतको भिडियोमा लोकप्रिय नायिका पूजा शर्मा र नायक पुष्प खड्काको साथमा बालकलाकार नेरिश्का स्थापितको अभिनय रहेको छ।
ज्ञानेन्द्र शर्माको सिनेमाटोग्राफी ,विजयराज भूर्तेलको सम्पादन र देव धिमालको निर्देशन रहेको भिडियोलाई रानी शाक्यको आफ्नै युट्युब च्यानल (Rani Shakya) मार्फत आइतबार सार्वजनिक गरिएको हो।
गीतलाई संसारभरका विभिन्न डिजिटल प्लेटफर्मको पनि सँगै रिलिज गरिएको छ। हाल अमेरिकाको मेरिल्याण्डमा रहेकी गायिका शाक्यको अहिलेसम्म ५ दर्जन भन्दा बढी गीतहरु आइसकेका छन्।
हेर्नुहोस् भिडिओ
