विगत ८ वर्षदेखि अष्ट्रेलियामा बस्दै आएका गायक नरेश रेग्मीले दशैं लक्षित गर्दै नयाँ गीत ‘आयो दशैं’ सार्वजनिक गरेका छन्।
गीतमा नरेश र गायिका देवी घर्तीको स्वर छ। हाल अस्ट्रेलियाको सिड्नीमा बसोबास गर्दै आएका गायक रेग्मी लोक भाका र आधुनिक गीतमा परिचित गायक हुन्। उनले दर्जन बढी गीतमा स्वर दिइसकेका छन्।
शिव हमालको शब्द तथा संगीतमा यो गीत सुन्न सकिन्छ। यो गीतमा दशैं नजिक आउँदा पनि प्रेमी प्रेमिका बाध्यताले टाढा हुनुपरेको पीडा व्यक्त गरिएको छ।
प्रवासमा रहेर पनि नेपाली गित संगीतको विकास निमार्णमा अगाडि बढिरहेका रेग्मी सिड्नीका सांगीतिक कार्यक्रममा देखिरहने चर्चित अनुहार हुन्।
यो गीतको भिडियोमा नायक पुष्प खड्का र नव मोडल तनुजा वलीको अभिनय छ। तनुजाले यही गीतबाट म्युजिक भिडियोमा डेब्यू गरेकी हुन्।
नरेशले १५ वर्षदेखि सांगीतिक क्षेत्रमा आफूलाई अगाडि बढाएका छन्। यो गीतको भिडिओलाई विक्रम चौंहानले निर्देशन गरेका हुन्। प्रकाश खड्काको छायांकन रहेको भिडियोमा मिलन विश्वकर्माको सम्पादन गरेका हुन्।
