काठमाडौं, कात्तिक २४
गायिका सज्जा चौलागाईको स्वरमा समावेश 'आई मिस यु' बोलको म्युजिक भिडिओ सार्वजनिक भएको छ। यथार्थपरक यस गीतलाई राजश्री बस्न्यात श्रेष्ठले आफ्नै जीवन भोगाईलाई समेटेर लेखेकी हुन्।
न्ह्यू बज्राचार्यले संगीतवद्द गरेको यस गीतलाई गोपाल रसाइलीले संगीत संयोजन गरेका हुन्। दुई जना सुन्दर जवान छोरीहरू गुमाउनु पर्दाको पीडालाई समेटेर तयार पारिएको गीतमा गरिमा शर्मा र श्रेया सिटौलाले छोरीहरुको भूमिका निभाएका छन्। उत्तम हुमागाईले छायांकन गरेको भिडियोलाई प्रविन श्रेष्ठले सम्पादन गरेका हुन्।
मनिक लाल श्रेष्ठ निर्माता रहेको भिडियोलाई गीतकार श्रेष्ठको परिकल्पना र निर्देशनमा तयार पारिएको हो। गीतकार श्रेष्ठको आधिकारिक च्यानल 'राजश्री स्टोरिज' मार्फत भिडिओ सार्वजनिक गरिएको हो।
हेर्नुहोस् भिडिओ
1636534100.png)
