मिन्सो लिम्बूको सर्ट फिल्म ‘जुन्को‘ इटालीको टोरिनो फिल्म फेस्टिभलमा छानिएको छ। फिल्मले अन्तर्राष्ट्रिय सर्ट फिल्म विधातर्फ प्रतिस्पर्धा गर्ने निर्देशक लिम्बूले जानकारी गराएका छन्।
नवविवाहित महिलाको एक्लोपन र आत्मबोधको कथा देखाउने यो फिल्ममा गरिमा सिंह र सरिता गिरी मुख्य भूमिकामा छन्।
यसअघि ग्रीसको 'ड्रामा इन्टरनेसनल फिल्म फेस्टिभल', दोहाको 'एजयाल फिल्म फेस्टिभल' लगायतमा छनोट भएको थियो।
फेस्टिभलको ३९ औं संस्करण यही नोभेम्बर २६ देखि डिसेम्बर ४ सम्म चल्ने छ। टोरिनो इटालीको भेनिसपछिको सबैभन्दा ठूलो फिल्म फेस्टिभल मानिन्छ।
