आराध्यदेव सूर्यको उपासना गरी चार दिनसम्म मनाइने पर्व छठ बिहिबार बिहान उदाउँदो सूर्यलाई अर्घ्य दिएसँगै समापन भएको छ।
राजधानी काठमाडौंसहित देशका विभिन्न भागमा धुमधामका साथ छठ पर्व मनाइँदैछ। बिशेष गरेर सूर्यदेवको उपासना गरिने छठ कात्तिक शुक्ल चतुर्थीमा सुरु भई कात्तिक शुक्ल सप्तमीमा सम्पन्न हुन्छ।
सुख, समृद्धि, रोगमुक्तलगायत विभिन्न फल प्राप्तीको आकांक्षा राखिने छठ सर्वसाधारणझैं नेपाली कलाक्षेत्रका विभिन्न सेलिब्रेटीले पनि धुमधामका साथ मनाउने गर्दछन्।
कलाकार तथा निर्देशक दीपा श्री निरौलाले आफ्नो जन्मथलो विराटनगर पुगेर परिवार र आफन्तजनको साथमा छठ मनाएकी छन्।
कलाकार रेखा थापाले पनि आफूले छठ मनाएको तस्बिर समाजिक सञ्जालमा राखेकी छन्।
त्यस्तै अभिनेत्री सञ्चिता लुइँटेलले पनि छठ मनाएको फोटो सामाजिक सञ्जालमा सेयर गरेकी छिन्।
तस्बिरमा हेर्नुहोस् कलाकारको छठ
