गायक प्रमोद खरेलको नयाँ गीतको म्युजिक भिडिओ सार्वजनिक भएको छ। राष्ट्रभाव बोकेको गीत 'विदेश' आइतबार युट्युबमा सार्वजनिक भएको हो। गीतमा जीविकोपार्जनका लागि विदेशिन बाध्य युवकले मातृभूमि सम्झेर व्यक्त गरेका भाव पोखिएको छ।
सरला श्रेष्ठले रचेको गीतमा दिवाकर शर्माको संगीत छ। यसको संगीत संयोजन पुरुषोत्तम सुवेदीले गरेका हुन्।
सुब्रतराज आचार्यको निर्देशनमा तयार गीतको भिडिओमा अभिनेता पल शाहसँगै सुवर्णजङ्ग श्रेष्ठ र तुलसीदेवी श्रेष्ठको समेत अभिनय छ।
उत्सव दाहालको छायांकन रहेको भिडिओ विकास दाहालले सम्पादन गरेका हुन्।
