अनमोल केसी र सुहाना थापाको नयाँ फिल्म 'ए मेरो हजुर-४' को गीत सार्वजनिक भएको छ।
‘फूलको थुंगा’ बोलको गीत शुक्रबार युट्युबमा सार्वजनिक भएको हो। यो गीत अस्मिता अधिकारी र सुगम पोखरेलले गाएका हुन्।
गीतको भिडिओमा अनमोल र सुहाना थापा रोमान्टिक मुडमा देखिएका छन्। भिडिओमा सुन्दर प्राकृतिक सुन्दरता देखाउन खोजिएको छ।
यस गीतको हुक लाइन सुहानाकी आमा झरना थापा र स्वर्गीय श्रीकृष्ण श्रेष्ठ अभिनित 'ए मेरो हजुर' फिल्मको ‘फूलको थुंगा हौ कि’ भन्ने गीतबाट साभार गरिएको छ।
उदितनारायण झा र दिपानारायण झाले गाएको फूलको थुंगा हौ कि गीत त्यो बेला अत्यधिक चर्चित थियो।
'ए मेरो हजुर-४' आउँदो वैशाख १ गते रिलिज हुँदैछ।
