‘तिम्ले बोल्ने बोली’ बोलको गीतको भिडिओ सार्वजनिक भएको छ।
गायक रामकृष्ण ढकालको स्वर रहेको उक्त गीतको भिडिओ आइतबार राजधानीमा एक कार्यक्रमबीच रामकृष्ण ढकाल युट्युब च्यानलमार्फत सार्वजनिक गरिएको हो।
दीपक शर्माको शब्द तथा नेत्र कोइरालाको संगीत रहेको उक्त गीतमा मोहित मुनालले संगीत संयोजन गरेका छन्। ए–वान म्युजिसियन स्टुडियोमा रेकर्ड गरिएको गीतलाई किशोर थापाले मिक्सिङ गरेका हुन् ।
यस्तै, गीतको भिडिओमा अभिनेता आकाश अधिकारी र मोडल खुश्बु खड्काको मुख्य अभिनय रहेको छ। भिडिओलाई निर्देशक सुव्रतराज आचार्यले निर्देशन गरेका हुन्।
उत्सव दाहालले छायांकन गरेको भिडिओलाई राजकुमार श्रेष्ठले सम्पादन गरेका हुन्। दीपक एम सिंहको कोरियोग्राफी रहेको गीतको भिडिओमा जया शर्मा क्रियटिभ डाइरेक्टर र सरिता कठायत असिस्टेन्ट डाइरेक्टरको रुपमा छन्।
गायक ढकाल र खुशी गुरूङको निर्माण रहेको भिडिओलाई राइज मिडिया नेटवर्कले पोस्ट प्रोडक्सन गरेको हो ।
भिडिओ सार्वजनिक कार्यक्रममा गायक रामकृष्ण ढकालले गीतको अडियो र भिडिओ राम्रो बनेकाले दर्शकलाई मनपर्नेमा विश्वास व्यक्त गरे। ‘तिम्ले बोल्ने बोली’ ले ‘भ्यालेनटाइन डे’ विशेष बनाउन सक्ने बताउँदै उनले आफ्नो लागि पनि यो गीत विशेष रहेको बताए ।
भिडिओका मोडल श्रेष्ठले ढकालको आवाजमा रहेको गीतमा अभिनय गर्न पाउनु आफ्नो सौभाग्य रहेको बताए। उनले भने– ‘म रामकृष्ण दाइको बच्चैदेखि ठूलो फ्यान हुँ। उहाँसँग काम गर्न जसलाई पनि इच्छा हुन्छ र मलाई पनि थियो । यो गीतले मेरो त्यो इच्छा पूरा गरेकोमा एकदमै खुसी छु।’
‘तिम्ले बोल्ने बोली’ गीत दर्शकलाई मन पर्नेमा उनी आशावादी देखिए ।
त्यस्तै, गीतकी मोडल खड्काले राम्रो टिमसँग राम्रो गीतमा अभिनय गर्न पाएकोमा खुसी व्यक्त गरिन्। निर्देशक सुव्रत आचार्यले भने आफूले यसअघि गरेका म्यूजिक भिडिओभन्दा यसपटक केही फरक गर्न खोजेको बताए। उनले भिडिओलाई ‘भ्यालेनटाइन डे’ सँग जोड्ने गरी तयार गरेका छन् । भिडिओमा आकाश र खुश्बुको केमेस्ट्री मिलेको देखिन्छ ।
हेर्नुहोस् भिडिओ
