रविचन्द्र गौतम (रवि बमबिरा) को शब्द सिर्जना, राजेश पायल राईको स्वर तथा बादल लिम्बुको संगीतमा ‘देख्छु सपना सारा हुन्छन् हुँदैनन् पुरा...’ बोलको गीत सार्वजनिक भएको छ।
गीतले वर्तमान मानवीय प्रवृतिमाथि ठाडो आलोचना गरेका छ। मानिसमा आएको छाडापन, उदांगिँदै गइरहेको धर्म, संस्कृति परम्पराले आफ्नो पहिचान र स्वभिमानमाथि औलो ठड्याएको विषयलाई गीतमा बुझ्न सकिन्छ।
ईश्वरको सत्य नै ढलेको कलियुग, न्यायानलय भित्र बढेको अन्याय र मानिसमा मौल्लाइरहेको महत्वकांक्षा साथै पैसाका लागि आफ्नै मृत्यु स्वीकार गर्न पछि नपर्ने मानवीय व्यवहार गीतमा सुन्न सकिन्छ।
आफ्ना स्वार्थका निम्ति देश नै बेच्न पनि पछाडि नपर्ने नेतृत्वलाई पनि गीतले छोडेको छैन।
सही समयमा सही बाटो समात्न नसक्दा जीवनको उत्तरार्धमा पश्चतामा वैरागीदै निधार छाम्ने अवस्था आउनबाट बञ्जित हुन समेत गीतले अग्रह गरेको छ।