कलाकार सन्तोष पन्तको ‘हिजोआजका कुरा’ को आगामी असोज २८ गतेदेखि प्रदर्शनमा आउने भएको छ।
साकार पन्त निर्देशित फिल्म आगामी असोज २८ गते रिलिज हुने भएको वितरण कम्पनी एफडी र बीके फिल्म्सले जानकारी दिएको छ।
आइतबार फिल्मको निर्माण पक्ष र वितरकको बैठकले फिल्मको नयाँ प्रदर्शन मिति तय गरेको हो ।
यसअघि २०७७ वैशाख १२ गतेलाई प्रदर्शन मिति तोकेको थियो। कोरोना महामारीका कारण प्रदर्शन मिति लम्बिएको हो।
पन्त फिल्म प्रोडक्सनको ब्यानरमा निर्माण भएको फिल्ममा सन्तोष र साकारसहित रमा थपलिया, केकी अधिकारी, ऋचा शर्मा, दिव्यदेव पन्त, रीमा विश्वकर्मा, जयनन्द लामा, जेविका कार्की लगायतको अभिनय छ।
