नेपाली फिल्म ‘कौसीद’ जेठ २७ गते प्रदर्शन हुने भएको छ। निर्माण पक्षले सोमबार फेसबुकमार्फत् पोस्टर सार्वजनिक गरेको हो।
उक्त पोस्टरमा ऋचा शर्मालाई पैसाको बन्डल बोकेर उभाइएको छ।
एउटा मान्छेले बैंकको ऋण तिर्न गरेको सकसपूर्ण कथामा फिल्म आधारित रहेको निर्माण पक्षले बताएको छ।
निर्माण पक्षका अनुसार आफ्नो नयाँ बनेको घर बचाउन नैतिक रूपमा पतन हुने अवस्थामा पुगेको कथा यसमा समेटिएको छ।
फिल्ममा ऋचा शर्माका साथै भोलाराज सापकोटा तथा अन्य कलाकारको पनि अभिनय छ।
कुमार भाष्करको निर्देशन रहेको फिल्मको लेखन नव श्रेष्ठ र दिर्जन थपलियाले गरेका हुन्। फिल्मको निर्माण केदार भुसालले गरेका हुन्।
