सामान्यतय एउटा गीतको म्युजिक भिडिओ छायांकन भएर सार्वजनिक हुन दुईदेखि तीन दिनसम्म लाग्छ। तर गीतकार डा. डीआर उपाध्यायको नयाँ गीत ‘सपनीमा आउँछ्यौ तिमी’ बोलको गीतको म्युजिक भिडिओ ३ घन्टामै छायांकन गरी सम्पादन समेत सकाएर युट्युबबाट सार्वजनिक भएको छ।
मंगलबार शंखमुलस्थित युएन पार्कमा छायांकन भएको उक्त भिडिओ छायांकन सुरु भएको ३ घण्टा भित्रै युट्युबमा सार्वजनिक भएको हो।
सन्तोष श्रेष्ठको संगीत रहेको गीतमा संगीत संयोजन देवेन्द्र नेवाले गरेका छन्। माइकल चन्दको निर्देशन रहेको भिडिओमा उत्सव दाहालको छायांकन र शिलन लम्सालको सम्पादन छ।
रमेश चन्द सोडारी र स्मृति श्रेष्ठको अभिनय रहेको ‘सपनीमा आउँछ्यौ तिमी’ भिडिओ मंगलबार दिउँसो ४ बजे छायांकन सुरु भएको थियो भने साँझ साढेँ ७ बजेभित्र युट्युबबाट सार्वजनिक भएको हो।
भिडिओ विश्व रेकर्डको उदेश्यले यति छोटो समयमा छायांकन सकेर सम्पादन गरी युट्युबमा सार्वजनिक गरिएको बताइएको छ।
