शुक्रबार, चैत २५ गतेबाट बुद्धि तामाङ अभिनित फिल्म ‘मैले आई लभ यु भन्नै सकिनँ’ प्रदर्शन हुने भएको छ।
सोमबार विकास बोर्डको सभा हलमा एक कार्यक्रम आयोजना गर्दै निर्माण समूहले फिल्मको प्रदर्शन मिती घोषणा गर्दै ट्रेलर र गीत पनि सार्वजनिक गरेको छ।
ट्रेलरमा एक्सनलाई प्राथमिकता दिइएको छ भने ‘मुस्ताङको बजार’ बोलको गीतमा राजेश पायल राई र मेलिना राईको स्वर रहेको छ।
गीतको भिडिओमा बुद्धि तामाङ, अञ्जली अधिकारी, सुजन नेपाल, सुरवीर पण्डित, राजाराम पौडेल, सुनिल भुषाल, जयनन्द लामा, सुरज कार्की, सुभाष नेपाली लगायत कलाकारले नृत्य गरेका छन्।
शंकर कार्की र बाबु जिम्बाले निर्देशन गरेको फिल्मका निर्माता प्रेम श्रेष्ठ हुन्। एक्सन-कमेडी फिल्ममा बुद्धिसँगै राजाराम पौडेल, अञ्जली अधिकारी, स्वर्गीय जयनन्द लामा लगायतको मुख्य भूमिका छ।
