कन्नड फिल्म ‘केजिएफः च्याप्टर २’ आगामी वैशाख १ गते रिलिज हुँदैछ। फिल्मका अभिनेता यशले नेपाली दर्शकलाई फिल्म हर्ने आग्रह गर्दै एक भिडिओ सन्देश पठाएका छन्।
‘नमस्ते नेपाल। मेरो फिल्म केजिएफः च्याप्टर २ अप्रिल १४ मा नेपालमा प्रदर्शन हुँदैछ। हेर्नुहोस्, अनि खुब मज्जा लिनुहोस्,’ उनले भिडिओमा भनेका छन्।
प्रशान्त नीलले निर्देशन गरेको फिल्ममा यश, सञ्जय दत्त, रविना टण्डन, श्रीनिधी शेट्टी, प्रकाश राज र माल्विका अविनाशको पनि अभिनय रहेको छ।
यसको पहिलो सिरिज ‘केजिएफ’ले बक्स अफिसमा आक्रमक कमाइ गरेको थियो। त्यस्तै, नेपालमा पनि फिल्मले राम्रो व्यापार गरेको थियो।
सोही दिन, अर्थात् वैशाख १ गते नेपाली फिल्म ‘ए मेरो हजुर ४’ पनि प्रदर्शन हुँदैछ।
