कर्मा र भोला राज सापकोटा अभिनित फिल्म ‘षट्कोण’को टिजर सार्वजनिक गरिएको छ। साइकोलोजिक थ्रिलर जनरामा निर्माण भएको फिल्मको टिजर बुधबार सार्वजनिक गरिएको हो।
सार्वजनिक टिजरमा कर्मा एक मर्डर मिस्ट्रीको खोजीमा लागेको पत्रकारको भुमिकामा दखिएका छन्। फिल्मलाई मिलन डि काप्रिले निर्देशक गरेका हुन्। यो उनको डेब्यू निर्देशन रहेको फिल्म हो।
क्लेमेन्टाइन प्रोडक्सन र ट्राभलर्स क्रिउ फिल्मस्को ब्यानरमा निर्माण भएको फिल्ममा कर्मा र भोला राज सापकोटासँगै लोकेन्द्र लेखक, सुयशा अधिकारी, विराज कडरिया, शिशिर लिम्बु वानेमको अभिनय रहेको छ। शिशिर लिम्बु वानेमको कथा तथा पटकथा रहेको फिल्मको संवाद महेश दवाडीले लेखेका हुन्।
आङ्छेन लामाले छायांकन गरेको फिल्मलाई सागर खनाल र निर्देशक मिलन डि काप्रिले सम्पादन गरेका छन्। यो फिल्मको वितरणको जिम्मा आरआर फिल्मस्ले लिएको छ।
यो फिल्म आगामी वैशाख २३ गतेबाट देशभर प्रदर्शन हुँदैछ। कोरोना महामारी अगाडी नै निर्माण भएको फिल्मको सम्पूर्ण काम सकेर प्रदर्शनको पखाईमा थियो। निर्माण समुहले फिल्म प्रदर्शनको लागि उक्त समय उचित रहेको बताएका छन्।
