गायक कमल खत्रीको स्वर रहेको ‘घर सम्हाल’ बोलको गीत सार्वजनिक भएको छ। सार्वजनिक गीतको भिडिओमा जीवन भण्डारी, प्रनिमा दाहाल र कमल देवकोटाको अभिनय रहेको छ।
गरिबीका कारण घर छोडेर कमाउन हिड्नुपरेको कथा गीतमा देखाइएको छ। ‘समय बदलियो तर परिस्थिती उहि छ’ भन्ने भावको यस गीतका शब्द कोमल प्याकुरेलले लेखेका हुन् भने जीवन भण्डारीले संगीत दिएका छन्।
प्रकाश पाण्डेले छायांकन गरेको गीतको भिडिओलाई विष्णु खड्काले सम्पादन गरेका छन्। यो भिडिओलाई सुरेन्द्र मल्ल ठकुरीले निर्देशन गरेका हुन्।
गायक कमल खत्री ‘आत्मामा’ बोलको गीतबाट चर्चामा आएका थिए। उनले ‘फिक्का फिल्का, जाउला रेलैमा, म गीत हुँ तिम्रो, पहिलो माया’ जस्ता गीतमा स्वर दिईसकेका छन्।
