एसडी योगी र ऋतिका श्रेष्ठको स्वरमा ‘घुम्दै फिर्दै’ बोलको गीत सार्वजनिक भएको छ। भिजुल आर्टसले निर्माण गरेको गीतको भिडिओमा कार्टुञ्ज क्रुका सरोज अधिकारी र आश्मा विश्वकर्माको नृत्य छ।
विवेक रसाईलीको अवधारणा एवं निर्देशन रहेको भिडिओमा ट्राफिक र चालकबीचको प्रेम कथा प्रस्तुत गरिएको छ। भिडिओमा दिपकराज सुनारको कोरियोग्राफी छ।
राम अविरल विष्टको शब्द रहेको गीतमा गायक योगीकै संगीत छ।
नवराज उप्रेतीले छायांकन गरेको गीतको भिडिओलाई भुपेन्द्र अधिकारीले सम्पादन गरेका हुन्।
