अभिनेता आकाश श्रेष्ठ र पूजा शर्मा अभिनित फिल्म ‘सम्झना बिर्सना’को गीत सार्वजनिक भएको छ। आइतबार राजधानीमा एक कार्यक्रम गर्दै ‘परेलीमा’ बोलको गीत सार्वजनिक गरिएको हो।
अन्जु पन्त र निमेश प्रधानको स्वर रहेको गीतमा आकाश र पूजा फिचर्ड छन्। गीतमा निमेशकै शब्द, संगीत तथा एरेन्ज रहेको छ भने कमल राईको कोरियोग्राफी रहेको छ।
निमेश प्रधानको निर्देशन रहेको फिल्ममा आकाश र पूजासँगै छुल्ठिम गुरुङ, सुनिल थापा, शिशिर रानालगायतका कलाकारको अभिनय रहेको छ। फिल्मको कथा तथा पटकथा निमेशले नै तयार पारेका हुन्। फिल्ममा अदुत्य प्रधान र रेबेका प्रधानको लगानी छ।
शिव ढकालले छायांकन गरेको फिल्मलाई तारा थापाले सम्पादन गरेका छन्।
यो फिल्म आगामी जेठ ६ गतेदेखि प्रदर्शन हुँदैछ।
