गायक जगदिश समालको स्वरमा नयाँ गीत ‘लैजाउँला कान्छी’ सार्वजनिक भएको छ।
विधान कार्कीले निर्देशन गरेको गीतको भिडिओमा अभिनेता आर्यन सिग्देल र अभिनेत्री नम्रता सापकोटाले अभिनय गरेका छन् भने सुदीप सापकोटाको अतिथि भूमिकामा अभिनय छ।
अमेरिकामा सक्रिय नक्षत्र प्रोडक्शनको प्रस्तुती तथा लगानीमा तयार यस गीतका संगीतकार पुर्ण लामिछाने हुन् भने हरि सुजीको शब्द रचना रहेको छ। गीतका एरेन्जर आशिष अविरल हुन्।
हरि हुमागाईंले छायांकन गरेको म्युजिक भिडिओलाई विकास दाहालले सम्पादन गरेका छन्। भिडिओलाई दीपक एम सिंहले कोरियोग्राफी गरेका हुन्।
गायक समालले ‘नबिर्से तिमीलाई नपाए तिमीलाई’, ‘उनको प्रिती पहिले हो कि मेरो प्रिती पहिले’, ‘आओ यादहरु हो आओ’, ‘आधा उमेर निन्द्रामै बित्यो’, ‘सुन भनन’ जस्ता गीतमा स्वर दिइसकेका छन्।
